გერმანიის თავდაცვის მინისტრი - გერმანია რუსული დეზინფორმაციის მიმართ უფრო გამძლე უნდა გახდეს

გერმანია რუსული დეზინფორმაციის მიმართ უფრო გამძლე უნდა გახდეს, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

„პუტინთან ამ სფეროშიც არ უნდა დავთმოთ და მზად უნდა ვიყოთ. ჩვენ გამძლეები უნდა გავხდეთ, ზოგადად, როგორც სახელმწიფო და როგორც საზოგადოება“, - განაცხადა ბორის პისტორიუსმა.

გერმანიის თავდაცვის მინისტრმა აღნიშნა, რომ რუსეთის მიზანს უკრაინის მხარდაჭერის შესუსტება და ნატო-ს მიმართ უნდობლობის გაღვივება წარმოადგენს.

„ასევე, პუტინს სურს და ეს მისი მუდმივი მცდელობაა, რომ ჩვენსა და ჩვენს მოკავშირეებს შორის განხეთქილება გამოიწვიოს და თავისუფალი დასავლური საზოგადოებები დაყოს“, - აღნიშნა გერმანიის თავდაცვის მინისტრმა.