ანრი ოხანაშვილი - ვენეციის კომისიას დააწერინეს, რომ გამჭვირვალობა ცუდია
მიხეილ სააკაშვილი - „ქართული ოცნების“ ხელისუფლება უნდა წავიდეს და სხვა მთავრობამ ჩაატაროს არჩევნები
23-25 მაისის საქართველოში ცვალებადი ამინდია მოსალოდნელი
პაატა მანჯგალაძე - „ქართული ოცნების“ განცხადებები წესით დაცინვას იმსახურებენ ღალატთან რომ არ გვქონდეს საქმე
კეთროვანი „ტრიუკაჩი“ - „ოცნება“ სამაგალითოდ უნდა დაისაჯოს
Russian troops conduct more than 390 attacks in Zaporizhzhia over past day
Russian army loses 1,300 soldiers in Ukraine over past day
Ukraine's air defense forces down all 24 Shahed drones overnight

მიხეილ სარჯველაძე - ვიოლა ფონ კრამონი ბოლო ხანებში ძალიან გამოირჩევა ოპოზიციის გულშემატკივრობით, გვახსოვს, მარტის აქციას გამოეხმაურა, ეს ყველაფერი მაიდანს მაგონებსო

04.02.2023 | 15:04 ნახვები: 307

ბოლო ხანებში რაღაც ძალიან გამოირჩევა ეს პიროვნება ოპოზიციის გულშემატკივრობით, გვახსოვს, მარტში, როდესაც აქცია დაიწყო, გამოეხმაურა, ეს ყველაფერი მაიდანს მაგონებსო. თითქოს სასურველი რაღაც დაინახა, თორემ არავითარი პარალელის გავლების შესაძლებლობა არ ჰქონდა ობიექტურად, – ამის შესახებ „ქართული ოცნების“ წევრმა, მიხეილ სარჯველაძემ განაცხადა.

სარჯველაძის თქმით, ვიოლ ფონ კრამონი საქართველოში გარკვეულ პოლიტიკურ ჯგუფებს ხვდება და არა ზოგადად პოლიტიკურ წრეებს.

„ის ჩამობრძანდა და მივიდა სრულიად გაუგებარ აქციაზე. გაუგებარს ვგულისხმობ შინაარსით, თორემ ყველას უფლება არის, გამოხატოს საკუთარი პოზიცია, მაგრამ იქ გაკეთებული განცხადებები ცოტა უცნაურად გამოიყურება. თუ ვინმე ეგულება სხვა, ვინც მოლოტოვის კოქტეილი ისროლა და შესაბამისად მიაწვდის ინფორმაციას სამართალდამცველებს, ვფიქრობ, აქაც არ იქნება გაუმართლებელი რეაგირება, მაგრამ ის, ვინც იდენტიფიცირებულია და ვისზეც ოპოზიცია ამბობდა, სუსისგან მართული ადამიანები იყვნენო, აღმოჩნდა, რომ მათგან მართული ადამიანები იყვნენ. ესეთ უცნაურობებში გაეხვა ძალაუნებურად ჩვენი ოპოზიცია და რაღაც საკუთარი სურვილით ეხვევა ამ უცნაურობებში მაგალითად ქალბატონი ვიოლო ფონ კრამონი. ნამდვილად უცნაურად გამოიყურება ეს ყველაფერი. მე პირადად არანაირი შეხვედრა არ მაქვს მასთან დაგეგმილი. დღის წესრიგიც ალბათ შედგა მისი სიმპატიების მიხედვით საქართველოში პოლიტიკური აქტორების მიმართ. ხვდება ოპოზიციას პოლიტიკური ისტებლიშმენტიდან და არა ზოგადად პოლიტიკურ წრეებს, ეს მისი არჩევანი და უფლებაა“, – განაცხადა სარჯველაძემ.

ყველას ნახვა
ყველას ნახვა