უკრაინაში ომის შედეგად 3 280 მშვიდობიანი მოქალაქე, მათ შორის 231 ბავშვი დაიღუპა
06.05.2022 ნახვები: 819
უკრაინაში ომის შედეგად, 3 200-ზე მეტი ადამიანი , მათ შორის 231 ბავშვი დაიღუპა. შესაბამის ინფორმაციას გაერო ავრცელებს.
გაერო-მ გამოაქვეყნა მოხსენება, რომელშიც მოცემულია უკრაინის ომის შედეგად დაღუპულთა და დაჭრილთა შესახებ ინფორმაცია.
ორგანიზაციის ცნობით, უკრაინაში რუსეთის შეჭრის დაწყების შემდეგ, სულ მცირე 3 280 მშვიდობიანი მოქალაქე დაიღუპა, მათ შორის 231 ბავშვი და 3 451 დაშავდა.
„სამოქალაქო პირების დაღუპვისა და დაშავების მიზეზი უმეტესწილად გამოწვეული იყო ასაფეთქებელი მოწყობილობების გამოყენებით, მათ შორის მძიმე არტილერიისა და მრავალჯერადი სარაკეტო სისტემების დაბომბვით, ასევე სარაკეტო და საჰაერო დარტყმებით“, – ნათქვამია მოხსენებაში.
გაერო-ს ანგარიშის მიხედვით, თვითგამოცხადებულ დონეცკის და ლუგანსკის სახალხო რესპუბლიკებში დაღუპულია 105 ადამიანი და დაშავებულია 417.
გაერო-ს ექსპერტები აღნიშნავენ, რომ დაღუპულთა რეალური რიცხვი შესაძლოა, გაცილებით მეტი იყოს, რადგან ინტენსიური ბრძოლების გამო ცნობების მიღება გვიანდება.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
