1 აშშ დოლარის ოფიციალური ღირებულება 2.6802 ლარი გახდა
მაია კოპალეიშვილი - პრეზიდენტი არავის ტყვე არ არის, მათ შორის ვერც საქართველოს მთავრობის ტყვე იქნება
თამარ ჩუგოშვილი - წარდგინების ავტორები კონსტიტუციის დარღვევად არ მიიჩნევენ, როცა პრეზიდენტი ქვეყნის შიგნით ხვდება სხვა ქვეყნების მეთაურებს
მაია კოპალეიშვილი - პრეზიდენტის იმპიჩმენტის პროცესის შინაარსი აშკარად პოლიტიკურია
ხვიჩა კვარაცხელია - „რეალის“ მატჩებზე გავიზარდე, ახლა კი მათი მოედანზე დამარცხება მინდა
გიორგი ვაშაძე - ვხედავთ ხელისუფლებაში მოკალათებულ პოლიტიკურ დაჯგუფებას, რომელიც სისტემურ და მუდმივ საბოტაჟშია ევროინტეგრაციის კუთხით
ირაკლი კობახიძე - პრეზიდენტის კიდევ ერთი აღიარებაა, რომ ვიზიტებში მოუწია საკუთარი ფულის დახარჯვა
თამარ ჩუგოშვილი - პრეზიდენტიც და ჩვენც ვმოქმედებთ კანონის მოთხოვნათა სრული დაცვით

აშშ-ის იუსტიციის დეპარტამენტის მონაცემებით, ტელეკომპანია „ფორმულამ“ 420 ათას დოლარად ლობისტური კომპანია Cornerstone Government Affairs დაიქირავა

06.05.2023 | 13:08 ნახვები: 275

აშშ-ის იუსტიციის დეპარტამენტში ტელეკომპანია „ფორმულას“ მიერ დაქირავებული ლობისტური კომპანია Cornerstone Government Affairs დარეგისტრირდა, როგორც ამას უცხოური გავლენის რეგისტრაციის აქტი (FARA) მოითხოვს.

FARA-ს ვებგვერდზე გამოქვეყნებული დოკუმენტის მიხედვით, ტელეკომპანია „ფორმულასა“ და Cornerstone-ს შორის შეთანხმება შედგა, რომლის მიხედვითაც, Cornerstone უზრუნველყოფს კონსულტაციებს საზოგადოებრივ საქმეთა და კომუნიკაციების საკითხებში, რომელიც დაკავშირებულია ტელეკომპანია „ფორმულასთვის“ აშშ-ში საკომუნიკაციო პროგრამის შემუშავებასა და მართვასთან.

„პროგრამის მიზანი იქნება საქართველოში თავისუფალი და დამოუკიდებელი მედიის დაცვის ადვოკატირება. კომპანია ჩაერთვება აქტივობებში „ფორმულას“ სახელით, რათა აცნობოს აშშ-ის საზოგადოებას საქართველოში მიმდინარე საკითხების შესახებ, რამდენადაც ეს ეხება საქართველოში დამოუკიდებელი მედიასაშუალებების მიმართ მოპყრობას. ეს მოიცავს შეხვედრებს საზოგადოებრივი აზრის ლიდერებთან, ურთიერთობებს მედიასთან, ანალიტიკურ ცენტრებთან, საზოგადოებრივი პოლიტიკისა და სავაჭრო ორგანიზაციებთან, ბიზნესლიდერებთან, დარგის ექსპერტებთან და აკადემიურ წრეებთან. ეს მიიღწევა მუდმივი კონსულტაციებით, შეხვედრების დაგეგმვით, ბრიფინგებითა და კლიენტებისთვის საინფორმაციო მასალების შემუშავება/შედგენით, რომელიც შესაძლოა, მოიცავდეს პრესრელიზებს, ინერნეტ კონტენტს, ელექტრონულ წერილებსა და კორესპონდენციას“, – ნათქვამია სარეგისტრაციო განცხადებაში.

აღნიშნული მომსახურების გაწევის სანაცვლოდ, ტელეკომპანია „ფორმულა“, Cornerstone-ს საერთო ჯამში, 420 ათასი დოლარის ოდენობით ანაზღაურებას გადაუხდის, რომელიც ოთხი ტრანშის სახით განხორციელდება. ხელშეკრულების ხანგრძლივობა 12 თვეს შეადგენს.

1tv.ge