ტატო ლასხიშვილი
05.18.2023 | 10:27 ნახვები: 1257
სახელი, გვარი - ტატო ლასხიშვილი
დაბადების წელი - 1960
მედიასაშუალება - მედია-კომპანია „ოკ პროდაქშენი“.
პოზიცია - ხელმძღვანელი.
მედიასაშუელები, სადაც გიმუშავნიათ - „პირველი არხი“, გაზეთი „სვობოდნაია გრუზია“, რადიო „სპუტნიკი“.
თქვენი პირველი დღე მედიაში? - შეგრძნება, რომ საოცარ სამყაროში აღმოვჩნდი.
თქვენი პირველი მასალა? - ინტერვიუ ოლიმპიურ ჩემპიონ რომან რურუასთან.
არის დღეს მედია მეოთხე ხელისუფლება? - ხუმრობთ?..
რა არის საზოგადოების დაკვეთა? - ადამიანები ოპტიმიზმით უნდა დავმუხტოთ.
ვის მიიჩნევთ საინტერესო რესპონდენტად? - პროფესიონალს.
რომელია ექსკლუზივი, რომელიც დღემდე გახსოვთ? - ვერ ვიხსენებ.
რომელი იყო ყველაზე რთული დღე მედიასაქმიანობაში? - როცა ოფისი გაგვიყიდეს და ქუჩაში აღმოვჩნდით...
რომელია დღე, ფაქტი, მოვლენა, რომელიც გახარებთ? - ყველანაირი პოზიტივი მახარებს.
რა (სად) არის თქვენთვის კომპრომისის ზღვარი? - კომპრომისი არ უნდა იწირავდეს შენს ღირსებას, ეწინააღმდეგებოდეს შენს მრწამსს, ზნეობას...
რომელი უფრო მნიშვნელოვანია - იყო პირველი თუ იყო მართალი? – რა თქმა უნდა მართალი. პირველი შეიძლება ნაძირალაც იყოს...
ვინ არის რესპონდენტი, რომელიც ვერ ჩაწერეთ? - მედიაში საქმიანობის ორმოცწლიან პერიოდში, თუ მეხსიერებას ვენდობი, ასეთი ორმოცდაათი რესპონდენტი მაინც იქნება.
რომელი ხელისუფლება იყო მედიასთან უფრო გახსნილი? - პრეზიდენტი გამსახურდია და მისი ხელისუფლება.
მასალას ჟურნალისტი „აკეთებს“ თუ რესპონდენტი? – ჰქმის ორივე, აკეთებს ჟურნალისტი.
ვინ არის პერსონა, რომელთანაც არასოდეს ითანამშრომლებთ? - მაგაზე არ მიფიქრია.
რა ვითარებაში გისარგებლიათ თქვენი გავლენით? – თავს არ მივაკუთნებ გავლენიან ადამიანებს.
რაზე გწყდებათ გული? - ცოტა გავაკეთე. მეტი შემეძლო. მაგრამ ამისთვისაც მადლობელი ვარ ღმერთის.
რა სახის ინფორმაციას არ გაავრცელებთ არასოდეს? – სიძულვილის შემცველს.
რომელია ქართული მედიის „ოქროს ხანა“? – ვფიქრობ, ყველაფერი წინაა!
რისი გეშინიათ? – ალბათ, გახსოვთ: „მძიმე არასდროს არ არის წერტილი
წერტილის დასმა კი ყოფილა მძიმე.“
ვახუშტი კოტეტიშვილისა არ იყოს, მეც წერტილის დასმა მაშინებს...
„დაინგრა“ თუ „აშენდა“, რომელს ტრნასლირებთ პირველს? – აშენდა!
რა უფრო მეტია ქართულ მედიაში - ნეგატივი თუ პოზიტივი? – ნეგატივი.
როგორია ქართული მედიის თავისუფლების ხარისხი? - მედიას ქვს თავისუფლება თქვას, რაც სურს, მაგრამ სახელმწიფო მოხელეებს აქვთ სრული თავისუფლება არ ესმოდეთ ჩვენი...
ვინ არის კოლეგა, რომელსაც ყველაზე მეტად აფასებთ? - რომ ჩამოვთვალო, ფეხბურთის გუნდი გამოვა, საჩემპიონო გუნდი!
რა არის ჭარბად ქართულ მედიაში? – ლანძღვა-გინება.
რა აკლია ქართულ მედიას? – უუუჰ, მაგას რა ჩამოთვლის.
რომელ სატელევიზიო არხს უყურებთ? – ვუყურებ ცალკეულ გადაცემებს.
რადიო, რომელსაც უსმენთ - არც ერთს.
გაზეთი, რომელსაც კითხულობთ - სულ რამდენიმე გაზეთი შემორჩა და, თუ ჩამივარდება ხელში, ვათვალიერებ.
რჩეული ონალინ გამოცემა - უფრო ავტორებს ვანიჭებ უპირატესობას.
რატომ გაურბის ქართული ბიზნესი მედიაში ინვესტირებას? - დღეს არსებული სისტემით ქართული მადია ვერ იქნება მომგებიანი...
რა დოზითაა წარმოდგენლილი ქართულ მედიაში პოლიტიკური გავლენა? – ზედოზით.
რა გაღიზიანებთ? - ბრჭყვიალა არარაობები.
რა გახარებთ? – მახარებს ის, რომ „ ...ვერ გამხადეს ბოროტი, ...ვერ გამხადეს ფლიდი...“
როგორია კონკურენტებთან დამოკიდებულება? - ნორმალური.
რას არ პატიობთ კოლეგას? – მე მიმტევებელი კაცი ვარ. ყოველი ადამიანი თვითონ ისჯის თავს.
კითხვა, რომელზეც პასუხი დღემდე არ მიგიღიათ? - გვეშველება რამე?..
რას ნანობთ? - ხშირად ვზარმაცობდი, ზოგჯერ ზედმეტადაც...
რითი ხართ კმაყოფილი? - კმაყოფილი ვარ იმით, რომ შევინარჩუნე დამოუკიდებლობა. არ მიღალატია. შურს არ შეუპყრივარ. სიკეთე მახსოვდა და მახსოვს. ვცხოვრობდი ჩემი საქმით...
რა არის მთავარი - სიმართლე თუ სამართლიანობა? – სიმართლის გარეშე სამართლიანობა არ არსებობს.
იაზრებენ თუ არა მედიაწარმოამდგნლები თავის როლს სოციუმში? - ვფიქრობ, ბოლომდე ვერა.
რატომ აღარ გვენდობა ხალხი? - აქვს კი ხალხს ნდობის საფუძველი?
არის თუ არა მედია ხალხთან ახლოს? - არა.
მედია-ჟურნალისტიკაა, ბიზნესი თუ სკანდალისტიკა? - არსებობს ასეთი ხუმრობანარევი გამოთქმა: „ჟურნალისტის მთავარი ამოცანაა, - მტერი აქციოს ფულად.“ აქედან გამომდინარე, მედია - ჟურნალისტიკაცაა და ბიზნესიც. მიზნის მისაღწევად კი ხშირად სკანდალებსაც იყენებენ...
რა არის მედიასტანდარტი? - რეალურად, ცარიელი სიტყვა ქვეყნის გასაგონად.
რატომ დაავიწყდა ქართულ მედიას მედია სტანდარტი? - სადაა სტანდარტი?
შეგიძლიათ დასახელება კოლეგის, რომელიც ეთერში არ უნდა იჯდეს? - არ შემიძლია, რადგან ასეთი, სამწუხაროდ, არაერთია.
რატომ გაურბიან მედიის წარმომადგენლები კოლეგებზე კრიტიკულად საუბარს? - ვერ დაგეთანხმებით, რომ გაურბიან.
ვინ არის ქართულ მედია მეტრი? - იმდენი უმაღლესი კლასის ჟურნალისტი შემახვედრა განგებამ ცხოვრების გზაზე, რომ კილომეტრზეც ავალთ!
რატომ გვყავს მედია „დედები და მამები“? - ობლად რომ არ ვიგრძნოთ თავი.
რეიტინგი თუ აკადემიური ჟურნალისტიკა? - აკადემიური ჟურნალისტიკა, რომელსაც კარგა ხანს არ ექნება რეიტინგი.
რა არ უნდა გააკეთო ექსკლუზივისთვის ჟურნალისტმა? - თავი არ უნდა დაიმცირო.
რა კითხვა არ უნდა დასვას ჟურნალისტმა? - შეურაცხმყოფელი.
არსებობს თუ არა ჟურნალისტიკაში ე.წ. დოგმა? - ვფიქრობ, არა.
რატომ ჰგავს ყველა ქართული ტელევიზიის ე.წ. ბადე ერთმანეთს? - როგორც ეტყობა, ტელეკომპანიებს ერთი „გენერალური მრჩეველი“ ჰყავს.
რა არის ჟურნალისტიკის მთავარი ფუნქცია - საზოგადოების ინფორმირებულობა თუ პროპაგანდა? - ინფორმირებულობა.
არსებობს თუ არა ობიექტური ჟურნალისტიკა და თუ არსებობს, რაში გამოიხატება? - ჟურნალისტიკა სუბიექტურია.
აქვს თუ არა ჟურნალისტს საკუთარი აზრის საჯარო გამოთქმის უფლება მედიასაშაულებით? - სხვებს თუ აქვთ, ჟურნალისტებმა რა დააშავეს...
უნდა არსებობდეს თუ არა ჟურნალისტიკის ფაკულტეტი? - აუცილებლად უნდა არსებობდეს!
