საფრანგეთის ეკონომიკისა და ფინანსთა მინისტრი - მოვემზადოთ რუსული გაზის სრული გათიშვისთვის, დღეს ეს ყველაზე სავარაუდო ვარიანტია
10.07.2022 ნახვები: 540
საფრანგეთი რუსეთის მხრიდან გაზის გათიშვას ყველაზე სავარაუდო სცენარად მიიჩნევს.
მედიის ცნობით, აღნიშნულის შესახებ საფრანგეთის ეკონომიკისა და ფინანსთა მინისტრმა, ბრუნო ლე მერმა განაცხადა.
„მოვემზადოთ რუსული გაზის სრული გათიშვისთვის. დღეს ეს ყველაზე სავარაუდო ვარიანტია. ეს მოითხოვს, რომ დავაჩქაროთ ჩვენი ენერგეტიკული დამოუკიდებლობა, დავაჩქაროთ მარაგების შევსება, სწრაფად ავაშენოთ LNG-ის მწარმოებელი ქარხანა ლე ჰავრში და ვაიძულოთ ჩვენი თავი, შევწყვიტოთ ორი ან სამი წლის ხარჯვა იმის კეთებაზე, რისთვისაც სხვა ერებს ექვსი თვე სჭირდებათ“, – განაცხადა ლე მერმა.
მისი თქმით, საფრანგეთის მთავრობა მუშაობს იმ კომპანიების განსაზღვრაზე, რომლებმაც უნდა მიიღონ დაცვის პრიორიტეტულობა გაზის მიწოდების შეფერხების შემთხვევაში.
მედიის ცნობით, საფრანგეთის მთავრობა ასევე განიხილავს რიგი ზომების მიღებას გაზის მიწოდების შესაძლო შეფერხების მოსაგვარებლად. მათ შორისაა გაზზე მომუშავე ელექტროსადგურების რეკვიზიცია. აღნიშნულთან დაკავშირებით, შესაბამისი კანონპროექტის განხილვა საფრანგეთის ეროვნულ ასამბლეაში მომავალ კვირას არის დაგეგმილი.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
