სამებიდან სიონის ტაძრამდე სამხედროებისგან შემდგარი სპეციალური კორიდორია მოწყობილი
22.03.2026 ნახვები: 209
სამების საკათედრო ტაძრიდან სიონის საპატრიარქო ტაძრამდე, სადაც საქართველოს კათოლიკოს-პატრიარქის დაკრძალვის პროცესია უნდა გაიმართოს, სამხედროების კორიდორია მოწყობილი.
ჯარისკაცები მთელ პერიმეტრზე დროშებით ხელში არიან განლაგებული.
საქართველოს კათოლიკოს-პატრიარქს, ილია მეორეს დღეს სიონის საპატრიარქო ტაძარში დაკრძალავენ.
სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში გარდაიცვალა. ილია მეორის გარდაცვალებასთან დაკავშირებით, საქართველოში გლოვა გამოცხადდა. პატრიარქი სამების სახელობის საკათედრო ტაძარში 18 მარტს დაასვენეს. მას შემდეგ პანაშვიდებზე მოქალაქეთა ნაკადი არ წყდებოდა. მისთვის პატივის მისაგებად სამების საპატრიარქო ტაძარი ღია იყო 24 საათის განმავლობაში. მოქალაქეები ილია მეორისთვის პატივის მისაგებად ტაძრის ეზოში ღამესაც ათენებდნენ.
