თიბისის შავი პარასკევის შეთავაზებით 60 000-მდე მომხმარებელმა ისარგებლა
05.12.2025 ნახვები: 261
60 000-მდე უნიკალური მომხმარებელი, 3-ჯერ გაზრდილი ტრანზაქციების რაოდენობა და პარტნიორი ობიექტების ბრუნვა- ასეთია თიბისის წლევანდელი შავი პარასკევის შეთავაზების შედეგები.
წელს ბრენდმა მომხმარებლებს მისცა შესაძლებლობა, შეეძინათ იმაზე მეტი, ვიდრე სხვა დროს, Black Friday-ზე იძენდნენ ხოლმე. 28 ნოემბერს- ახალი თიბისი ბარათის, ახალი თიბისი კონცეპტ ბარათისა და ერთგული საკრედიტო ბარათების მფლობელებმა, ჯამში 60 ათასმა მომხმარებელმა, საქართველოს მასშტაბით, 100-მდე შერჩეული ბრენდის ფიზიკურ მაღაზიებში, არსებულ ფასდაკლებებთან ერთად, დამატებითი 30%-იანი ქეშბექით ისარგებლეს. მომხმარებლებს ქეშბექი მომენტალურად უბრუნდებოდათ, რაც შოპინგის გაგრძელების და კიდევ მეტი ნივთის ყიდვის შესაძლებლობას აძლევდათ.
წინასასკოლო სეზონი, შავი პარასკევი, ახალი წელი…. – ეს ის პერიოდები და თარიღებია, რომლებსაც თიბისის მომხმარებლები ყველაზე მეტად ელოდებიან, რადგან ზუსტად იციან, რომ მათ საჭიროებებზე მორგებულ, მრავალფეროვან შეთავაზებებს მიიღებენ. იმისათვის, რომ შეთავაზებები ყველა ტიპის მომხმარებლის ინტერესისა და საჭიროების გათვალისწინებით შექმნას, თიბისის ლოიალობის გუნდი თითოეულ კამპანიას საგულდაგულოდ, რამდენიმე თვით ადრე, მომხმარებელთა უკუკავშირზე დაყრდნობით გეგმავს.
"ძალიან ბევრი მომხმარებელი გვწერდა, ჯერ კიდევ, სანამ კამპანიას დავიწყებდით, თუ რომელ ობიექტებში სურდათ შეთავაზება გვქონოდა - მაქსიმალურად ვეცადეთ, რომ ყველა მათგანის სურვილი გაგვეთვალისწინებინა, შედეგად, ძალიან კარგი უკუკავშირი მივიღეთ. ყველას მოეწონა შეთავაზებები - კარგი ფასდაკლება, თან ქეშბექი", - ანა ორბელაძე, თიბისის ლოიალობის პროგრამის ბრენდ მენეჯერი.
შავი პარასკევის შეთავაზებების დროს გაიზარდა თიბისის პარტნიორი ბიზნესების საშუალო დღიური ბრუნვაც, რაც მეტყველებს იმაზე, რომ თიბისი მსგავსი კამპანიებით მნიშვნელოვნად აძლიერებს და მხარს უჭერს ბიზნესების საქმიანობასაც.
