19 საათზე "რუსული კანონის" წინააღმდეგ აქცია გაიმართება
04.28.2024 | 09:49 ნახვები: 219
დღეს, 19:00 საათზე, რესპუბლიკის მოედანზე ე.წ. რუსული კანონის წინააღმდეგ აქცია გაიმართება.
28 აპრილს საპროტესტო აქცია საზოგადოებრივმა და მედია ორგანიზაციებმა დააანონსეს, რომლებმაც რუსული კანონის ჩაგდებამდე ხელისუფლებასთან თანამშრომლობა შეაჩერეს.
„მოვუწოდებთ ყველას, 28 აპრილს, კვირას, 19:00 საათზე, შევიკრიბოთ რესპუბლიკის მოედანზე, რუსული კანონის წინააღმდეგ. ასევე მოვუწოდებთ შეკრებისკენ ყველას, თუკი ჩაინიშნება მეორე პლენარული განხილვა“,- აღნიშნულია განცხადებაში, რომელსაც ასზე მეტი ხელმომწერი ჰყავს.
17 აპრილს, საქართველოს პარლამენტმა "რუსული კანონი" პირველი მოსმენით მიიღო. "გავლენის გამჭვირვალობის შესახებ" კანონპროექტს 83-მა დეპუტატმა დაუჭირა მხარი 0-ის წინააღმდეგ.
