საქართველოს ეკონომიკის მინისტრის ნათია თურნავას განცხადებით, იუსტიციის სამინისტრომ ენერგოკომპანია „ინტერ რაოს" სარჩელთან დაკავშირებით სტოკჰოლმის არბიტრაჟის გადაწყვეტილება გაასაჩივრა.
თურნავას თქმით, კომპანიის მოთხოვნა ტარიფების მეტად გაზრდასთან დაკავშირებით უსაფუძვლოა და ამ პოზიციაზე მყარად დგანან.
„მიუხედავად იმისა, რომ საერთაშორისო არბირტრაჟმა ნაწილობრივ გაიზიარა „ინტერ რაოს" პოზიციები და 200 მილიონის ნაცვლად 80 მილიონის გადახდაზეა საუბარი, ჩვენ მაშინაც ვთვლიდით და ახლაც ასე მიგვაჩნია, არ გავზარდოთ ტარიფები მომხმარებლისთვის, მათ შორის არ გავზარდოთ გადასახდელი ტარიფები მოსახლეობისთვის. ტარიფი დგინდება დამოუკიდებელი მარეგულირებლის, სემეკ-ის მიერ ძალიან გამჭვირვალე მეთოდოლოგიზე დაყრდნობით. ის მოთხოვნა, რომ ტარიფები უფრო მაღალი უნდა ყოფილიყო, არის უსაფუძვლო. ამიტომ იუსტიციის სამინისტრომ გაასაჩივრა ეს გადაწყვეტილება და ჩვენ აბსოლუტურად მყარად ვდგავართ ამ პოზიციაზე", - აღნიშნა ნათია თურნავამ.