შალვა პაპუაშვილი - არ ვაპირებ, დეპუტატებს სააკაშვილთან შესვლის უფლება მივცე, რადგან კარგი შედეგია, სააკაშვილი, როგორც თავად ამტკიცებდა, განუკურნებელი დაავადებებისგანაც კი განიკურნა
თიბისის მხარდაჭერით, თბილისი ჰილსში განსხვავებული კონცეფციის აპარტამენტების მშენებლობა იწყება
In Donetsk region, 3,144 children still live in communities along frontline
UK Defense Secretary calls on Europe not to impose restrictions on trade with Ukraine
Russia’s combat losses in Ukraine up to almost 440K
War update: 60 combat clashes in Ukraine past day
Black Sea Arena- BSA.ge-ზე მხოლოდ Star Ring კატეგორიის ბილეთები იქნება ხელმისაწვდომი, TKT.ge-ზე კი ყველა კატეგორიის ბილეთის შეძენა იქნება შესაძლებელი
ქუთაისის აეროპორტიდან ქალაქის ცენტრამდე და პირიქით, 3 უახლესი SHUTTLE BUS ივლის

ეროვნული ბანკის ვიცე-პრეზიდენტი - ბანკებს აქვთ ვალდებულება, შეისწავლონ, ვინ არის ეს კლიენტი და ვის ემსახურებიან

02.08.2023 | 20:48 ნახვები: 424

ეროვნული ბანკის ვიცე-პრეზიდენტის პაპუნა ლეჟავას განცხადებით, როდესაც ბანკები მომსახურებას უწევენ კლიენტს, მათ აქვთ ვალდებულება, შეისწავლონ, ვინ არის ეს კლიენტი და ვის ემსახურებიან. მისი თქმით, ბოლო პერიოდში გავრცელებულ ინფორმაციაში არის გარკვეული ნიშნები, რომ შესაძლოა, ფიზიკური პირები ფინანსურ მომსახურებას უწევდნენ მესამე პირებს.

პაპუნა ლეჟავას განმარტებით, ნებისმიერი პირი ფინანსურ მომსახურებას თუ ახორციელებს ეროვნულ ბანკში ლიცენზიის ან რეგისტრაციის გარეშე, შესაძლოა, სისხლის სამართლის დანაშაულზეც იყოს საუბარი.

„დეტალები არ ვიცით ამ ტრანზაქციებთან დაკავშირებით, რადგან უშუალოდ ფიზიკურ პირებს ჩვენ არ ვზედამხედველობთ, თუმცა, როგორც წესი, ყველა ტიპის ფინანსური მომსახურება რეგულირებადია. ჩვენ როგორც ბანკებს, ისე სხვა საფინანსო ინსტიტუტებს ვზედამხედველობთ და თუ ექნება ადგილი მსგავს ფაქტებს, როდესაც ანგარიში გახსნილია ერთი პირის სახელზე და რეალურად იმ ანგარიშის უკან დგას მეორე პირი, ეს უკვე ეროვნული ბანკის რეგულაციების დარღვევაა. თავად საეჭვო ტრანზაქციები ეროვნულ ბანკში არ იგზავნება, ეს იგზავნება ფინანსური მონიტორინგის სამსახურში. ეროვნული ბანკი პასუხისმგებელია, რომ ზედამხედველობა გაუწიოს ფინანსურ ინსტიტუტებს, რათა მათ ჰქონდეთ სათანადო ჩარჩო ასეთი რისკების სამართავად, იქნება ეს ფულის გათეთრება, ტერორიზმის დაფინანსება, სანქციების გვერდის ავლა და ა.შ.

ამ კუთხით მუდმივად ხდება ბანკების და სხვა ფინანსური ინსტიტუტების ზედამხედველობა, პერიოდულად ხარვეზები იდენტიფიცირდება, გვაქვს ამაზე რეაგირება, ჯარიმები ჩვენს გვერდზეც ქვეყნდება, თუმცა როგორც უკვე მოგახსენეთ, კონკრეტული ტრანზაქციების დარეპორტება ხდება ფინანსური მონიტორინგის სამსახურში, როგორც საეჭვო ტრანზაქციები და როცა შესაბამისი სამსახურები ჩათვლიან, რომ აქ შესაძლოა, რაღაც კანონდარღვევას ჰქონდეს ადგილი, უკვე რეაგირება აქვთ ძალოვან სტრუქტურებს და არა ეროვნულ ბანკს.

კომერციულ ბანკს აქვს უფლება, თავისი შეხედულებით და რისკების მართვის საფუძველზე გადაწყვიტოს, მომხმარებელს დაუხუროს ანგარიში თუ – არა. ასეთები მუდმივად ხდება, ანგარიშის დახურვა, თუმცა როგორც საბანკო ასოციაციაშიც იყო გაცხადებული, ბოლო დროს მოხშირებულია ქვეყანაში გაზრდილი რისკებიდან გამომდინარე. რისკია თავად იმ ადამიანებისთვის, ვინც ჩართული არიან რაღაც კუთხით ამ საქმიანობაში. სულ მცირე საბანკო ანგარიშის დახურვა არის საფრთხე, შემდეგ მათ შეიძლება ლეგიტიმური მიზნებისთვისაც გაუჭირდეთ ამავე ან სხვა ბანკში ახალი ანგარიშის გახსნა, ასევე, უარეს შემთხვევაში, აქ რისკია უკვე სისიხლის სამართლის დანაშაულში გარკვეული სახით ჩართულობის. თავს შევიკავებ, რომ კვალიფიკაცია მივცე ამ დანაშაულს, გამომდინარე იქედან, რომ არ მაქვს ამ ტრანზაქციების დეტალები, თუმცა თუ გარკვეული სახის დანაშაული არის და ამაში ჩართულია ჩვენი მოქალაქე, რა თქმა უნდა, ეს მათთვისაც რისკს წარმოადგენს.

თავად ფიზიკურ პირებთან ჩვენ არ გვაქვს არანაირი პირდაპირი კავშირი, ან ურთიერთობა. არც მათი ტრანზაქციები რეპორტდება ჩვენთან, თუმცა ჩვენ ვზედამხედველობთ ფინანსურ ინსტიტუტებს და მათ ვავალდებულებთ, რომ დაიცვან ჩვენი მოთხოვნები, მათ შორის ფიქტიური ანგარიშები არ უნდა გაუხსნან, სანქციების გვერდის ავლას ხელი არ უნდა შეუწყონ“, – განაცხადა ეროვნული ბანკის ვიცე-პრეზიდენტმა პაპუნა ლეჟავამ.

ყველას ნახვა
ყველას ნახვა