მამუკა მდინარაძე - ფრაზების „სააკაშვილი მოწამლეს“, „ძალიან ცუდად არის“, უკან იდგა დასკვნა, რომელშიც ასობით ათასი დოლარი იყო გადახდილი
მილიონი დოლარი არის გადახდილი არა ექიმებში, არა ფსიქიატრებში, ფსიქოლოგებში არამედ შავ პიარში - პარლამენტის ვიცე-სპიკერი
ვალუტის კურსი 9 თებერვლისთვის - 1 დოლარი - 2.6558 ლარი, 1 ევრო - 2.8537 ლარი
სააკაშვილს იმდენი დანაშაული აქვს ჩადენილი, აღიარება წარმოუდგენელი - ირაკლი კობახიძე
მმართველი პარტიის თავმჯდომარე - სააკაშვილის საქმეზე მილიონი დახარჯეს და დიაგნოზი ვერ დასვეს
ლევან კალანდაძე - „ამოუხსნელ“ მოვლენასთან გვაქვს საქმე Credit Suisse-ის მენეჯმენტის სახით
ვიტოვებ იმედს, საქართველოს ძალისხმევა ამჯერად სათანადოდ დაფასდება და ევროკავშირი მოგვანიჭებს კანდიდატი ქვეყნის სტატუსს -პარლამენტის თავმჯდომარე
თურქეთში მიწისძვრის შედეგად დაღუპულთა რიცხვი 8 574-ს შეადგენს, სირიაში - 2 662-ს

ლევან იოსელიანი - სააკაშვილს არ ვთვლი პოლიტპატიმრად, თუმცა მხარს დავუჭერდი მის საზღვარგარეთ გადაყვანას, თუ ჯანმრთელობის მდგომარეობა ისეთია, როგორც „ნაციონალური მოძრაობა“ აღწერს

11.26.2022 | 11:45

შეწყალება პრეზიდენტის პრეროგატივაა, მან უნდა გადაწყვიტოს, მიიღებს თუ არა მიხეილ სააკაშვილთან დაკავშირებით ამ გადაწყვეტილებას, – ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა განაცხადა.

იოსელიანმა კომენტარი გააკეთა სალომე ზურაბიშვილის განცხადებასთან დაკავშირებით, რომელიც მიხეილ სააკაშვილის საკითხს შეეხებოდა.

„ზოგადად მე არ მომწონს არავის ციხეში ჯდომა, ვინც არ უნდა იყოს. მიმაჩნია, რომ რაღაც ეტაპზე ჩვენ უნდა დავასრულოთ ჩვენი პოლიტიკური ცხოვრების ეტაპი, როდესაც პოლიტიკური ლიდერები, თუ პოლიტიკასთან დაკავშირებული პირები არიან ციხეში და შემდეგ ამის გარშემო არის განუწყვეტელი აჟიოტაჟი. ეს ფარავს ყველა სხვა თემას, რომელიც ქვეყანაშია მნიშვნელოვანი.

ნიკა გვარამიასთან დაკავშირებით მიმაჩნია, რომ ის მუხლიც არ უნდა იყოს, რითაც არის დაკავებული და არანაირი აუცილებლობა არ არსებობს, რომ ნიკა გვარამია იყოს დღეს იმ წარდგენილი ბრალდებისთვის, რაც აქვს წარდგენილი. რაც შეეხება მიხეილ სააკაშვილს, იცით, რომ მე არ ვთვლი მას პოლიტპატიმრად. პრეზიდენტობის პერიოდში მას ჩადენილი აქვს დანაშაულები და მიუხედავად ამისა, მისი ჯანმრთელობის მდგომარეობა თუ არის იმდაგვარი, როგორსაც „ნაციონალური მოძრაობა“ აღწერს, თუ ეს მართალია, რომ მისი საქართველოში გადარჩენა ფიზიკურად შეუძლებელია და ამიტომ უნდა იყოს გადაყვანილი სხვა ქვეყანაში სამკურნალოდ, ამ გადაწყვეტილებას მხარს დავუჭერდი“, – აღნიშნა ლევან იოსელიანმა.